संसदीय दल गठनका लागि एकीकृत समाजवादीको बैठक
कागजपत्र |
काठमाडौं – नेकपा एमालेबाट विद्रोह गरी नयाँ दल दर्ता गरेको नेकपा (एकीकृत समाजवादी) ले संसदीय दल गठनका लागि बैठक बसेको छ ।
संघीय संसद भवन नयाँ बानेश्वरमा आइतबार सांसदहरूसहित बैठक बसेको हो।
बैठकमा बोल्दै अध्यक्ष नेपालले संसदीय दलको गठन गर्न बैठक गरिएको बताए।
बैठकमा संसदीय दल गठन, त्यसका लागि विधान बनाउने र पारित गर्ने जस्ता एजेन्डा प्रस्तुत गरिने जनाइएको छ । त्यसपछि दलको नेता चयन गर्ने प्रक्रिया सुरू गरिने अध्यक्ष नेपाल बताउँछन्।
दलका उपनेता, प्रमुख सचेतक र सचेतक चयन हुने पनि उनले बताए।
राष्ट्रिय सभामा पनि दलको नेता चयन गर्ने तयारी उक्त पार्टीको छ।
