एसीसी यू-१६ इस्ट जोन कपः मलेसियालाई ९ विकेटले हराउँदै नेपाल फाइनलमा
कागजपत्र |
काठमाडौं – नेपाल एसीसी यू १६ इस्ट जोन कपको फाइनलमा पुगेको छ ।
आज भएको सेमिफाइनल म्याचमा आयोजक मलेसियालाई ९ विकेटले हराउँदै नेपालले फाइनलमा स्थान बनाएको हो ।
पहिले ब्याटिङ गर्दै मलेसियाले दिएको ९१ रनको लक्ष्य नेपालले ११.४ ओभरमै १ विकेट गुमाउँदै पूरा गरेको छ ।
नेपालका ओपनर परिमार्जन यादवले ३५ बलमा ५९ रनको विष्फोटक इनिङ खेल्दै जितसम्म पुर्याए ।
त्यस्तै नेपालका लागि शिवांश बजगाइँले २३ रन बनाए ।
त्यसअघि नेपाली बलरहरूले उत्कृष्ट बलिङ गर्दै मलेशियालाई ९० रनमा अलआउट गरेका थिए । नेपालका अभय यादवले ४ र सुभम् खनालले ३ विकेट लिएका थिए ।
