सुनको औँठी र नगदको लोभले सिलौटोले हानेर आफ्नै आमाको हत्या !
कागजपत्र |
काभ्रे- काभ्रेमा आमाको हत्या गरेको आरोपमा छोरा पक्राउ परेका छन् । रोशी गाउँपालिका-३ भञ्ज्याङगाउँ बस्ने ६९ वर्षीया माइली लामाको हत्या गरेको आरोपमा उनका २८ वर्षीय छोरा फुर्साङ लामालाई आइतबार प्रहरीले पक्राउ गरेको हो ।
कात्तिक १६ गते अपराह्न सवा ४ बजे माइली आफ्नो घरको भान्सामा मृत भेटिएकी थिइन् । फुर्साङले कोठामा सुतिरहेकी आमाको सुनको औँठी र नगदको लोभले सिलौटोले हानेर अचेत बनाएको प्रहरीकाे अनुसन्धानबाट खुलेकाे छ ।
अचेत बनेकी आमालाई पुन: आग्लो प्रहार गरी हत्या गरेको आरोप उनीमाथि छ । घटनापछि उनी सुनको रिङ र नगद लिएर फरार भएका थिए ।
प्रहरीले घटनाबारे थप अनुसन्धान गर्न जिल्ला अदालतबाट ७ दिन हिरासतमा राख्न अनुमति पाएको छ ।
