साफ च्याम्पियनसिपः पहिलो हाफ गोलरहित बराबरीमा

काठमाडौं — साफ महिला च्याम्पियनसिपको दोस्रो सेमिफाइनलको पहिलो हाफ गोलरहित बराबरीमा टुंगिएको छ ।

नेपाल र भारतबीचको सेमिफाइनलको खेलको पहिलो हाफमा कुनै पनि टिमले गोल गर्न नसकेपछि गोलरहित बराबरीमा टुंगिएको हो ।

साँझ साढे ६ बजेदेखि काठमाडौँस्थित दशरथ रंगशालामा सुरु भएको नेपालका लागि कप्तान समेत रहेकी गोलकिपर अन्जिला सुब्बा पहिलो रोजाईमा रहेकी छन् भने पुजा राना, बिमला विक, अमृता जोशी, रेनुका नगरकोटी, सावित्रा भण्डारी साम्बा, गीता राना, रेखा पौडेल, प्रिती राई सबिता राना मगर र अमिषा कार्की, पहिलो रोजाईमा रहेका छन् ।

यसअघि आज भएको पहिलो सेमिफाइनल खेलमा बंगलादेशले भुटानलाई ७—१ गोल अन्तरले पराजित गर्दै फाइनलमा पुगेको छ ।