महिला साफ च्याम्पियनसिपः सेमिफाइनल प्रवेशका लागि श्रीलंकाको सामना गर्दै नेपाल
कागजपत्र |
काठमाडौं — महिला साफ च्याम्पियनसिप २०२४ अन्तर्गत आज समूह चरणका अन्तिम खेलमा नेपालले सेमिफाइनल प्रवेशका लागि श्रीलंकाको सामना गर्दैछ ।
समूह ए बाट भारत र बंगलादेश सेमिफाइनल पुगिसकेको अवस्थामा आज दुई हुने दुईखेलबाट समूह बीचबाट सेमिफाइनल प्रवेश गर्ने टिमको टुंगो लाग्नेछ ।
समूह बी अन्तर्गत भुटान र माल्दिभ्सबीच दिउँसो साढे १ बजे खेल सुरु हुनेछ भने घरेलु टोली नेपालले साढे ५ बजे हुने खेलमा श्रीलंकासँग खेल्नेछ ।
घरेलु टोली नेपाल र भुटानको समान ४ अंक छ भने श्रीलंकाको ३ अंक छ । दुई हारपछि अंकविहिन माल्दिभ्स समूह चरणबाटै बाहिरिसकेको छ । अन्तिम खेल बराबरीमा अंक बाँडे नेपाल र भुटान दुवै सेमिफाइनल पुग्नेछन् । श्रीलंकाका लागि भने सेमिफाइनल पुग्न नेपाललाई हराउनुपर्नेछ ।
