कुशल भुर्तेलको शानदार पारी, अमेरिकालाई १७१ रनको लक्ष्य
कागजपत्र |
काठमाडौं – कुशल भुर्तेलको शानदार पारीसहित नेपालले अमेरिकालाई १७१ रनको लक्ष्य दिएको छ ।
टस जितेर पहिले ब्याटिङ गरेको नेपालका लागि भुर्तेलले अविजित ९२ रनको पारि खेलेका छन् । उनले ७ चाैका र ६ छक्काको मद्दतले उक्त रन बनाएका थिए ।
नेपालले २० ओभरमा ६ विकेटको क्षतिमा १७० बनाउँदै अमेरिकालाई उक्त लक्ष्य दिएको हो । नेपालका लागि अन्तिम बलमा करण केसीले छक्का प्रहार गरेका थिए ।
नेपालका आशिफ शेख १ रनमा आउट हुँदा अनिल शाह २५ रनमा आउट भए भने गुल्सन झा १९ रन बनाउँदै आउट भएका थिए । त्यस्तै कप्तान रोहित पौडेल १८ रनमा आउट हुँदा दीपेन्द्र सिंह ऐरीले २ रन बनाएका थिए । आरिफ शेख १ रनमा रनआउट भएका थिए ।
अमेरिकाका लागि नौथुश केन्जेगे र जसदीप सिंहले २/२ विकेट लिएका थिए सौरभ नेत्रभालाकरले १ विकेट लिएका थिए ।
