अमेरिकालाई सुरुवातमै झड्का, करणले दिलाए नेपाललाई पहिलो सफलता
कागजपत्र |
काठमाडौं – अमेरिकाविरुद्धको खेलमा नेपाललाई पहिलो सफलता हात लागेको छ ।
नेपालका लागि करण केसीले पहिलो विकेट लिएका हुन् । उनले मोनांक पटेललाई १ रनमा आउट गरेका हुन् । अहिले अमेरिका २ ओभरमा ५ रन बनाएर खेलिरहेको छ ।
त्यसअघि कुशल भुर्तेलको शानदार पारीसहित नेपालले अमेरिकालाई १७१ रनको लक्ष्य दिएको थियो ।
टस जितेर पहिले ब्याटिङ गरेको नेपालका लागि भुर्तेलले अविजित ९२ रनको पारि खेलेका छन् ।
नेपालले २० ओभरमा ६ विकेटको क्षतिमा १७० बनाउँदै अमेरिकालाई उक्त लक्ष्य दिएको हो । नेपालका लागि अन्तिम बलमा करण केसीले छक्का प्रहार गरेका थिए ।
नेपालका आशिफ शेख १ रनमा आउट हुँदा अनिल शाह २५ रनमा आउट भए भने गुल्सन झा १९ रन बनाउँदै आउट भएका थिए ।
त्यस्तै कप्तान रोहित पौडेल १८ रनमा आउट हुँदा दीपेन्द्र सिंह ऐरीले २ रन बनाएका थिए । आरिफ शेख १ रनमा रनआउट भएका थिए ।
अमेरिकाका लागि नौथुश केन्जेगे र जसदीप सिंहले २/२ विकेट लिएका थिए सौरभ नेत्रभालाकरले १ विकेट लिएका थिए ।
