भीमदत्त राजमार्ग अवरुद्ध भएपछि बाटोमै रोकिए शिक्षक सेवा आयोगका परीक्षार्थी
कागजपत्र |
काठमाडाैं- बिहीबार रातिदेखि परेकाे अविरल वर्षाका कारण सुदूरपश्चिमको ७ पहाडी जिल्ला जोड्ने भीमदत्त राजमार्ग पूर्ण रुपमा अवरुद्ध छ । जसका कारण कयौं यात्रुहरू बीच बाटोमै अलपत्र परेका छन् ।
त्यहि यात्रुकाे भिडमा कयौं परीक्षार्थीहरु पनि रहेका छन् । भाेलि (शनिबार) बिहान ११ कैलालीको धनगढीमा बजेदेखि शिक्षक सेवा आयोगको परीक्षा छ । प्राथमिक तह तृतीय श्रेणी शिक्षक पदको खुला प्रतियोगात्मक लिखित परीक्षा (विषयगत) का लागि आयोगले २० गते नै केन्द्र तोकिसकेको थियो ।
उक्त परीक्षाका लागि सुदूरपश्चिमबाट मात्रै एक हजार नौं सय ५६ जना परीक्षार्थी तयारीमा थिए । उनीहरुमध्ये झन्डै एक हजार चार सय परीक्षार्थी भने सुदूरपश्चिमको पहाडी सात जिल्लाका छन् । तर, राजमार्ग अवरुद्ध भएपछि उनीहरू बाटोमै अलपत्र परेका छन् ।
पहिरो खस्दा भीमदत्त राजमार्ग अन्तर्गतकाे साहुखर्क, मेलखर्क, खानीडाडा, भासु भीर, फल्टुडे लगायतका क्षेत्रमा अवरुद्ध छ । वर्षा र पहिरो खस्ने क्रम अहिले पनि जारी रहेकाले राजमार्ग सुचारु गर्न कठिन भइरहेकाे जिल्ला प्रहरी कार्यालय डडेल्धुराका प्रहरी नायब उपरीक्षक दीपक कार्कीले बताए ।
