स्ववियु निर्वाचन आगामी फागुन १५ गते हुने

काठमाडौ– त्रिभुवन विश्वविद्यालयले स्वतन्त्र विद्यार्थी युनियन (स्ववियु) को निर्वाचन आगामी फागुन १५ गते गर्ने तालिका सार्वजनिक गरेको छ । त्रिवि प्राज्ञिक परिषद् स्थायी समितिको बैठकले २०८१ सालको शैक्षिक क्यालेन्डर स्वीकृत गर्दै स्ववियु निर्वाचन २०८१ फागुन १५ गते गर्ने निर्णय गरेको हो ।

शैक्षिक क्यालेन्डरमा नै स्ववियु निर्वाचनको मिति उल्लेख छ । अर्र्कोे निर्वाचन २०८३ को फागुन १४ गते हुनेछ ।

यसअघि २०७९ चैत ५ गते स्ववियु निर्वाचन भएको थियो ।  चैत ५ गते त्रिविका ६२ वटा आंगिक क्याम्पसहरूमध्ये ४४ मा मात्रै निर्वाचन भएको थियो ।