बार्सिलोनाविरुद्ध रियल मड्रिडको शानदार जीत
कागजपत्र |
स्पेन – एल क्लासिकोमा रियल मड्रिडले बार्सिलोनालाई हराएको छ । सिजनको पहिलो एल क्लासिकोमा रियलले बार्सिलोनालाई ३–१ गोल अन्तरले पराजित गरेको हो ।
रियलका लागि फेड्रिको भालभर्डे, सर्जियो रामोस र लुका मोड्रिचले एकरएक गोल गरे । बार्सिलोनाका अन्सु फातीले एक गोल फर्काए ।
खेलको पाँचौ मिनेटमा फेड्रिकोले गोल गर्दै रियललाई अग्रता दिलाएका थिए । तर, नवौं मिनेटमा फातीले गोल गर्दै बार्सिलोनालाई १–१ गोलको बराबरीमा ल्याए ।
यस गोलसँगै फाती एल क्लासिकोमा गोल गर्ने सर्वाधिक कम उमेरका खेलाडी बनेका छन् । फातीले १७ वर्षको उमेरमा गोल गरेका हुन् ।
खेलको ६३औं मिनेटमा कप्तान रामोसले पेनाल्टी गोल गर्दै रियललाई २—१ को अग्रता दिलाए ।
त्यसपछि खेलको ९०औं मिनेटमा मोड्रिचले गोल गर्दै रियललाई ३—१ को सहज जित दिलाए ।
जितसँगै रियल लिगको शीर्ष स्थानमा उक्लिएको छ । रियलले ६ खेलमा १३ अंक जोडेको छ । रियलको यो चौंथो जित हो ।
हारसँगै बार्सिलोना ५ खेलमा ७ अंकसहित दशौँ स्थानमा रहेको छ ।
