रास्वपाले बोलायो राष्ट्रपतिबारे निर्णय गर्न केन्द्रीय कमिटी बैठक
कागजपत्र |
काठमाडौं — राष्ट्रिय स्वतन्त्र पार्टी (रास्वपा) ले केन्द्रीय कमिटी बैठक बोलाएको छ।
राष्ट्रपतिको निर्वाचनबारे छलफल गर्नका लागि भोली (सोमबार) का लागि केन्द्रीय कमिटी बैठक बोलाइएको हो ।
रास्वपाले अहिलेसम्म कुन उम्मेदवारलाई समर्थन गर्ने भन्ने निर्णय गरिनसेको जनाइएको छ ।
राष्ट्रपतिका लागि नेपाली कांग्रेसका बरिष्ठ नेता रामचन्द्र पौडेल र नेकपा (एमाले)का उपाध्यक्ष सुवास नेम्वाङले उम्मेदवारी दिएका छन्।
कांग्रेस उम्मेदवार पौडेलले शनिबार नै रास्वपा सभापति रवि लामिछानेलाई भेटेर आफूलाई सहयोग गर्न आग्रह गरेका थिए। लामिछानेले पार्टीमा छलफल गरेर यसबारे आवश्यक निर्णय लिने बताएका थिए।
राष्ट्रपतिमा कांग्रेसलाई सहयोग गर्ने सहमति गर्न शुक्रबार बसेको ८ दलको बैठकमा रास्वपालाई बोलाइएको थिएन।
