भाेलीदेखि निर्वाचन आचारसंहिता फुकुवा


काठमाडौं – मंसिर ४ गते सम्पन्न प्रतिनिधिसभा र प्रदेशसभा सदस्य निर्वाचनका लागि निर्वाचन आयोगले लगाइएको आचारसंहिता सोमबारदेखि हट्ने भएको छ ।

गत असोज १२ गतेदेखि मुलुकभर लागु रहेको निर्वाचन आचारसंहिता मङ्सिर २६ गते सोमबारदेखि लागु नरहने आयोगले निर्णय गरेको छ ।आयोगका प्रवक्ता शालिग्राम शर्मा पौडेलले सो निर्णयको जानकारी नेपाल सरकार, प्रधानमन्त्री तथा मन्त्रिपरिषद्को कार्यालय, सम्पूर्ण मन्त्रालय तथा संवैधानिक निकायहरूमा गराइएको बताए ।

आयोगले प्रतिनिधिसभा र प्रदेशसभा सदस्य निर्वाचनका लागि उक्त आचारसंहिता लागु गरेको थियो ।

प्रतिक्रिया