विश्वमा प्रभुत्व जमाउने चाहनाले द्वन्द्वको सम्भावना बढ्यो : पुटिन
कागजपत्र |
काठमाडौं – रुसी राष्ट्रपति भ्लादिमिर पुटिनले शुक्रबार विश्व मञ्चमा आफ्नो प्रभुत्व कायम राख्ने पश्चिमाको चाहनाले द्वन्द्वको जोखिम बढाएको बताएका छन् ।
‘विश्वमा द्वन्द्वको सम्भावना बढ्दै गएको छ र यो पश्चिमी सम्भ्रान्तहरूले आफ्नो राजनीतिक, आर्थिक, सैन्य र वैचारिक प्रभुत्व कुनै पनि तरिकाले जोगाउने प्रयासको प्रत्यक्ष परिणाम हो,’ पुटिनले भनेका छन् ।
पुटिनले सांघाई सहयोग संगठन र पूर्व सोभियत देशहरूको समूहका रक्षा मन्त्रीहरूको शिखर सम्मेलनमा भिडियो सन्देशमार्फत बोल्दै यस्तो टिप्पणी गरेका हुन् । ‘उनीहरूले जानाजानी अराजकता बढाउँछन् र अन्तर्राष्ट्रिय अवस्था बिग्रन्छ,’ पुटिनले भने ।
यस्तै उनले पश्चिमले युक्रेनको ‘शोषण’ गरेको र त्यहाँका जनतालाई रुस विरुद्धको द्वन्द्वमा ‘तोपको चारा’ को रूपमा प्रयोग गरेकोसमेत बताएका छन् ।
पुटिनले बारम्बार युक्रेनमा जारी युद्ध मास्कोको ‘विशेष सैन्य अपरेशन’ रुस र पश्चिम बीचको द्वन्द्वको रूपमा रहेको भन्दै आएका छन् । किनकी युक्रेनलाई पूर्णरुपमा पश्चिमा मुलुकहरुले सहयोग गर्दै आएका छन् ।
किभ, युरोपेली देशहरू र वाशिंगटनले मास्कोले सुरक्षा चिन्ताको बहाना प्रयोग गरी आफ्नो युरोपेली छिमेकी विरुद्ध आक्रामक युद्ध सुरु गर्न र राष्ट्रपति भोलोदिमिर जेलेन्स्कीलाई हटाउने प्रयासमा आक्रामक युद्ध सुरु गरेको भन्दै आएका छन्।
