बिवाह गर्ने प्रलोभन देखाई ४२ लाख ठगी गरेको आरोपमा एक जना पक्राउ

काठमाडौं  – प्रहरीले बिवाह गर्ने प्रलोभन देखाई ठगी गरेको अभियोगमा काठमाडौं धापासीबाट एक जनालाई पक्राउ गरेको छ ।

बिवाह गर्छु भनी झुटा प्रलोभनमा पारी ४२ लाख ३४ हजार रूपैयाँ ठगी गरेको आरोपमा रामेछाप साँघुटार नगरपालिका(३ घर भएका ५२ वर्षीय नबिन भन्ने लोक बहादुर श्रेष्ठलाई आइतबार प्रहरीले पक्राउ गरेको हो।

लोक बहादुरले बिवाह गर्ने प्रलोभन देखाई पीडितलाई बिश्वासमा पारी आफू बिरामी परेको भनी कहिले अस्पतालमा उपचार गर्न त कहिले झारफुक गर्नका लागि भन्दै आइएमई तथा सिटिएक्सप्रेस मार्फत पटक पटक गरी उक्त रकम पठाउन लगाई ठगी गरेको भन्ने सूचनाको आधारमा महानगरीय अपराध महाशाखाबाट खटिएको प्रहरीले ठगी गर्ने कार्यमा संलग्न श्रेष्ठलाई काठमाडौं बिशाल नगरबाट पक्राउ गरेको हो ।

उनलाई ठगी कसुर अन्तर्गत थप अनुसन्धानका लागि महानगरी प्रहरी परिसर काठमाडौं पठाइएको छ ।