चिनियाँ गेम टाइकुन लिनको हत्या

बेइजिङ(एजेन्सी)– चिनियाँ गेम टाइकुन लिन चीको क्रिसमसको दिन विष खुवाएर हत्या गरिएको छ । चीनको संघाई प्रहरीले यो कुराको पुष्टि गरेको छ । ३९ वर्षे ची यूजू नामको गेम डेभलपर कम्पनीका अध्यक्ष तथा प्रमुख कार्यकारी थिए । उनलाई मानिसले ‘गेम अफ थ्रोन्सः विन्टर इज कमिङ स्ट्राटेजी गेम’ बनाउनका लागि चिन्दथे ।

संघाई प्रहरीले चीको एक प्रमुख सहयोगीलाई संदिग्ध अपराधी मानेको छ । यद्यपि प्रहरीले उसको नाम सार्वजनिक गरेको छैन । तर उसलाई उसको उपनाम ‘जू’ भनेर बोलाएको छ ।

हरुन चाइना रिच लिस्टका अनुसार लिनको कूल सम्पत्ति करिब ६ दशलमब ८ अर्ब युआन अर्थात् करिब एक अर्ब डलर थियो । प्रहरीका अनुसार चीको कम्पनीका कैयौं कर्मचारी र पूर्व कर्मचारी शुक्रबार शोक व्यक्त गर्नका लागि उनको भवन अगाडि आएका थिए ।

कम्पनीले आफ्नो आधिकारि वीबो माइक्रोब्लगमा एक भावुक विज्ञप्ती जारी गरेको छ । ‘अलविदा युवा….हामी एक साथ रहनेछौं, दयालु बनी रहनेछौं, राम्रो कुरामा विश्वास गरिरहनेछौं र जुन गलत छ, त्यसका विरुद्ध लडाई जारी राख्नेछौं’ विज्ञप्तीमा भनिएको छ । पोस्टमा हजारौंले प्रतिक्रिया दिएका छन् र यसलाई वीबोमा २९ करोड भन्दा बढी पटक हेरिएको छ । गेम अफ थ्रोन्ससँग जोडिएको गेमका अलावा यूजूले ब्रोल स्टार जस्तो कैयौं सुपरहिट गेम बनाएको थियो ।

यो कम्पनीलाई चिनियाँ साइफाई उपन्यास थ्री–बोडी प्रोब्लमका साथ आफ्नो सम्बन्धका लागि पनि चिनिन्छ । यसमाथि फिल्म बनाउने अधिकार उनीहरुमा मात्र छ ।

तर मोसन पिक्चरको क्षेत्रमा कम्पनीको व्यापार विस्तार सोचे अनुरुप सफल हुन सकेन र पुस्तकलाई ६ फिल्ममा परिवर्तन गर्ने योजना कहिल्यै शुरु भएन । गत सेप्टेम्बरमा कम्पनीले नेटफ्लिक्सलाई यसमाथि टेलिभिजन कार्यक्रम बनाउनका लागि अधिकार दिएको छ ।

लेखक लिउ सिक्सिनको यो पुसतक ‘रिमेम्बरेन्स अफ अर्थस् पास्ट ट्राइलोजी’को पहिलो हिस्सा हो । यसलाई समिक्षकले तारिफ गरेका छन् । अमेरिकाका पूर्व राष्ट्रपति बराक ओबामा र फेसबुकका संस्थापक मार्क जुकरबर्ग पनि यसका प्रशंसक हुन् ।