परराष्ट्रमन्त्रालयले भन्याे : मन्त्री खड्काको अभिव्यक्ति तोडमोड गरियो
कागजपत्र |
काठमाडाैँ – परराष्ट्र मन्त्री डा.नारायण खड्काले दिएको अभिव्यक्तिलाई तोडमोड गरी समाचार प्रकाशित गरिएको भन्दै परराष्ट्र मन्त्रालयले त्यसप्रति ध्यानाकर्षण भएको जनाएको छ। मन्त्रालयले विज्ञप्ति जारी गर्दै त्यसरी आएका समाचार र विज्ञप्तिमा कुनै सत्यता नभएको जनाएको हो।
परराष्ट्रमन्त्री खड्काले फागुन २३ गते मिडिया ब्रिफिङका क्रममा युक्रेनमा रहेका नेपालीहरुलाई उद्धार गरी स्वदेश फर्काउने कार्यमा मित्र राष्ट्रहरूबाट सञ्चालित उडानहरु समेत उपयोग गर्न सकिने आसय व्यक्त गरेका थिए।
मन्त्री खड्काको उक्त अभिव्यक्तिलाई तोडमोड गरी विज्ञप्ति तथा समाचार प्रकाशित गरिएको भन्दै परराष्ट्र मन्त्रालयले त्यसप्रति कुनै सत्यता नभएको जनाएको हो।
