रुसी तेलमाथि पूर्णरुपमा प्रतिबन्ध लगाउने अमेरिकाको निर्णय

मंगलबार अमेरिकी राष्ट्रपति कार्यालयले रुसी अर्थतन्त्रको महत्वपूर्ण कडी मानिने तेलमाथि प्रतिबन्ध लगाउने तयारी भइरहेको बताएको थियो।

‘हामी रुसबाट आयत हुने सबै तेल, ग्यास र ऊर्जामा प्रतिबन्ध लगाउन गइरहेका छौं। यसको अर्थ रुसी तेल अब अमेरिकी बन्दरगाहमा आउनेछैनन्’, बाइडेनले भने।

यसअघि अधिकारवादीहरु र युक्रेनले पनि अमेरिका र उसका सहयोगी मुलुकलाई रुसको तेल तथा ग्यासमा प्रतिबन्ध लगाउन माग गर्दै आएका थिए।

विशेषगरी युरोपेली मुलुकहरु ग्यास र तेलमा रुसमा निर्भर छन्। युरोपको समग्र ग्यासको मागमध्ये ४० प्रतिशत रुसबाट आउने गरेको छ।

अमेरिका भने तेल आयातमा रुसमाथि त्यति धेरै निर्भर छैन।