राष्ट्र बैङ्कले दुई अर्ब १० करोड बराबरको ट्रेजरी बिल बिक्री गर्दै
कागजपत्र |
काठमाडौँ – नेपाल राष्ट्र बैङ्कले आज दुई अर्ब १० करोड बराबरको ट्रेजरी बिल बिक्री गर्दै छ । बोलकबोल प्रक्रियाका माध्यमबाट सो परिमाणको ट्रेजरी बिल बिक्री गर्न लागिएको नेपाल राष्ट्र बैङ्कले जनाएको छ ।
बैङ्कका अनुसार १० करोड रुपैयाँ बराबरको ट्रेजरी बिल भने ९१ दिने अवधिका लागि बिक्री गर्न लागिएको हो । सो बिल आगामी चैत १७ गते परिपक्व हुनेछ ।
यस्तै दुई अर्ब बराबरको ट्रेजरी बिल भने कूल ३६४ दिन अवधिका लागि बिक्री गर्न लागिएको हो । सो बिल भने २०७८ पुस १३ गते परिपक्व हुनेछ ।
बैङ्कले यसअघि पुस ६ गते पनि ट्रेजरी बिल बिक्री गरेको थियो ।
