मुख्यमन्त्रीद्वयले चढे रेल
कागजपत्र |
जनकपुरधाम – गण्डकी प्रदेशका मुख्यमन्त्री कृष्णचन्द्र नेपाली पोखरेल तीन दिने भ्रमणका क्रममा मधेश प्रदेश पुगेका छन् ।
शनिबार बिहान बुद्ध एयरको जहाजबाट मधेशको राजधानी जनकपुरधाम पुगेका पोखरेलले रेल पनि चढेका छन् ।
जयनगरबाट खुलेको नेपाली रेल जनकपुर आउँदा मधेस प्रदेशका मुख्यमन्त्री लालबाबु राउत र गण्डकी प्रदेशका मुख्यमन्त्री पोखरेल, मन्त्री र सरकारी पदाधिकारी रेल चढेर कुर्थासम्म र कुर्थाबाट पून जनकपुरधाम फर्किएका छन् ।
रेल चढ्न जनकपुरधाम रेल्वे स्टेशन पुगेका मुख्यमन्त्री पोखरेलले शासन व्यवस्था परिवर्तन भएपनि संघीयतालाई मजबुत बनाउने काम नभएको बताए । संचारकर्मीहरुसँग कुरा गर्दै मुख्यमन्त्री पोखरेलले संघीयताको ऐना नै प्रदेश रहेको र प्रदेशलाई मजबुत बनाउन नसकिए संघीयता मजबुत बन्न नसक्ने धारणा राखे ।
मुख्यमन्त्री पोखरेलले जनकपुरधाम रेल्वे स्टेशनमा अशोकका विरुवा पनि रोपेका छन् ।
