नेपालमा पहिलो पटक स्काई रोप साइक्लिङ सञ्चालन


काठमाडौं – नेपालमा पहिलो पटक स्काई रोप साइक्लिङ त्रिशुली नदीमा सञ्चालन भएकाे छ । पृथ्वी राजमार्गको आकर्षक ‘होलिडे डेस्टिनेसन’ त्रिशुली रिभरसाइड रिसोर्टले त्रिशुली नदीमा स्काई रोप साइक्लिङ निर्माण गरेको हाे।

काठमाडौंबाट सत्तरी किलोमिटर दुरीमा पृथ्वी राजमार्गको मलेखु नजिकै मालिङ्गामा रहेको रिसोर्ट परिसरमा नेपालमै पहिलो पटक खोला वारपार गर्ने स्काई रोप साइक्लिङ तयार भएको रिसोर्टका सञ्चालक उद्वब कँडेलले बताए ।

’एक करोड लगानीमा साइक्लिङ तयार भएको छ’ कंडेल भने, ‘यसमा जोडि नै एकैसाथ खेल्न मिल्छ । यसरी दुवैजना खेल्न मिल्ने यो नेपालकै पहिलो स्काई रोप साइक्लिङ हो ।’ दुईतर्फी ३५० मिटर रहेको साइक्लिङ खेल्न प्रतिव्यक्ति एक हजार रुपैया र फोटो भिडियो बनाउन थप पाँच सय लाग्ने कँडेलले जानकारी दिए ।

र्‍याफ्टिङ, कायकिङ, क्यानोनिङ समेत सन्चालन गर्दै आइरहेको रिसोर्टले त्रिशुली नदी वारपार गर्ने गरि जिपलाइन समेत निर्माण गरेको छ । आगामी दिनमा अन्य एडभेन्चर गतिविधि थप्दै लगिने समेत कँडेलले बताए ।

पैँतीस रोपनीमा फैलिएको रिसोर्टमा आवासको लागी टेन्टेड क्याम, रिभर भ्यु कटेज र एसी डिलक्स रुम उपलब्ध छन् । रिसोर्टमा स्विमिङ पुलसँगै बारबिक्यु र शुक्रबार, शनिबार डिजे पार्टीको समेत सुविधा रहेको कँडेलले जानकारी दिए ।

प्रतिक्रिया