जीवन बीमा कम्पनीद्धारा ५८ अर्ब २६ करोड नविकरण बीमाशुल्क आर्जन

काठमाडौं – चालु आथिृक वर्ष २०७८ ÷७९ को पहिलो ७ महिनामा १९ जीवन बीमा कम्पनीहरुले ५८ अर्बभन्दा बढी नविकरण बीमा शुल्क आर्जन गरेका छन् । बीमा समितिले उपलब्ध गराएको तथ्याङक अनुसार यी कम्पनीहरुले यस अवधिसम्ममा ५८ अर्ब २६ करोड ८९ लाख रुपैयाँ नविकरण बीमा शुल्क आर्जन गरेका हुन् । माघ महिनामा मात्रै कम्पनीहरुले ७ अर्ब ९६ करोड ५५ लाख रुपैयाँ नविकरण बीमा शुल्क आर्जन गरेका छन् ।

उक्त अवधिमा नेपाल लाईफ इन्स्योरेन्स कम्पनी लिमिटेडले बीमालेख नवीकरणबाट सबैभन्दा बढी शूल्क संकलन गरेको छ । यो कम्पनीले १७ अर्ब २१ करोड रुपैयाँ बीमालेख नवीकरणबाट संकलन गरेको हो । त्यस्तै बीमालेख नवीकरणबाट बढी रकम संकलन गर्ने दोस्रोमा लाईफ इन्स्योरेन्स कर्पाेरेशन (नेपाल) लिमिटेड रहेको छ । यो कम्पनीले ८ अर्ब २७ करोड रुपैयाँ बीमालेख नवीकरणबाट शूल्क आर्जन गरेको छ ।

राष्ट्रिय बीमा संस्थानले ५ अर्ब ७६ करोड ६१ लाख रुपैयाँ नविकरण बीमा शुल्क आर्जन गरेको छ । नेशनल लाइफले ५ अर्ब ३४ करोड ३२ लाख रुपैयाँ नविकरण बीमा शुल्क आर्जन गरेको छ । यूनियन लाइफले ३ अर्ब ३७ करोड १३ लाख रुपैयाँ नविकरण बीमा शुल्क आर्जन गरेको छ ।

त्यस्तै, यस अवधिमा एशियन लाइफ इन्स्योरेन्स कम्पनीले २ अर्ब ८६ करोड ५ लाख रुपैयाँ,मेट लाइफले २ अर्ब २१ करोड २२ लाख रुपैयाँ प्राइम लाइफले २ अर्ब १९ करोड ३७ लाख रुपैयाँ, सूर्या लाइफले १ अर्ब ७८ करोड ८९ लाख रुपैयाँ, गुराँस लाइफले १ अर्ब ४४ करोड १३ लाख रुपैयाँ, सिटिजन लाइफले १ अर्ब ३७ करोड ४४ लाख रुपैयाँ, आइएमई लाइफले १ अर्ब ९ करोड २० लाख रुपैयाँ, ज्योति लाइफले १ अर्ब ४ करोड २६ लाख रुपैयाँ नविकरण बीमा शुल्क आर्जन गरेका छन् ।

बीमा कम्पनीमध्ये बीमालेख नवीकरणमार्फत् महालक्ष्मी लाईफ इन्स्योरेन्सले सबैभन्दा कम शूल्क संकलन गरेको छ । यो कम्पनीले बीमालेख नवीकरणबाट ३८ करोड ३४ लाख रुपैयाँ संकलन गरेको छ । त्यस्तै प्रभु लाईफ इन्स्योरेन्स बीमालेख नवीकरण शूल्क कम संकलन गर्ने दोस्रोमा छ । यो कम्पनीले ५२ करोड ९७ लाख रुपैयाँ नवीकरण शूल्क आर्जन गरेको छ ।