

माइक्रोसफ्टका सिइओ नडेललाई पुत्रशोक

काठमाडौं – संसारकै अग्रणी कम्प्युटर कम्पनी माइक्रोसफ्ट कर्पका प्रमुख कार्यकारी अधिकृतलाई पुत्र शोक परेको छ । माइक्रोसफ्टका प्रमुख कार्यकारी अधिकृत सत्या नडेलका २६ वर्षीय जैन नडेलको सोमबार मृत्यु भएको जनाइएको छ ।
सेरेब्रल पाल्सी रोगबाट बिरामी नडेलको चिल्ड्रेन्स हस्पिटलमा उपचाररत अवस्थामा मृत्यु भएको जनाइएको छ ।
नडेलको निधनमा माइक्रोसफ्ट कम्पनीले आफ्ना कर्मचारीहरुलाई मृतकप्रति श्रद्धाञ्जली व्यक्त गर्न र प्रार्थनाका लागि अनुरोध समेत गरेको छ । सत्या नडेलले आफ्नो करियरमा छोराको अहम् भूमिका रहेकोसमेत बताएका छन् । उनी सन् २०१४ देखि माइक्रोसफ्टको प्रमुख कार्यकारी अधिकृतका रुपमा कार्यरत छन् ।

