सर्वोच्चद्वारा निर्वाचन मितिविरूद्धको रिट दर्ता अस्वीकार

काठमाडौँ – सरकारले वैशाख ३० गतेको लागि तोकेको स्थानीय निर्वाचनविरुद्ध परेको रिट दर्ता गर्न सर्वाेच्च अदालतले अस्वीकार गरेको छ ।

निर्वाचित भएको पाँच वर्ष नपुगेको भन्दै महोत्तरीको भंगहा नगरपालिकाकाका संजीवकुमार शाहले निवेदन दिए पनि सर्वाेच्च प्रशासनले दरपीठ गरिदिएको हो ।

शाह भंगहा नगरपालिकाका मेयर हुन् । उनले मंगलबार नै रिट पेस गरेका थिए । उनको निवेदन आज बुधबार सर्वोच्च प्रशासनले दरपीठ गरिदिएको हो । रिटमा वैशाख ३० मै निर्वाचन गरे पनि असोज २ गते मात्रै आफ्नो ५ वर्ष पुग्ने भएकाले सो अवधिसम्म काम गर्न पाउनुपर्ने माग गरेका थिए।