भन्सार एजेन्टको परीक्षा फागुन २८ गते

काठमाडौं । भन्सार विभागको एजेन्टको परीक्षा फागुनको अन्तिम साता हुने भएको छ । भन्सार विभागले गत वर्ष २०७७ सालको चैत १६ गते आवेदन खुलाएको एजेन्टको परिक्षा फागुन २८ गते हुने भएको हो ।

विभागले आज सूचना जारी गर्दै परीक्षा फागुन २८ गते दिउँसो २ बजे हुने जानकारी दिएको हो । परीक्षा केन्द्र भने पछि प्रकाशन गरिने विभागले जनाएको छ ।

करिब एक वर्ष अघि खुलाइएको आवेदन कोरोना महामारीका कारण रोकिँदै आएको थियो । कोरोनाले यही वर्ष २०७८ को जेठ २२ गते र माघ २९ गते तोकिएको परीक्षा रद्द गर्नुपरेको थियो । जेठको मिति डेल्टाले र माघको मिति ओमिक्रोनका कारणले रद्द गर्नुपरेको विभागले बताएको छ ।