एयरपोर्ट इमिग्रेसनका कर्मचारीलाई मोबाइल चलाउन बन्देज (सूचनासहित)
कागजपत्र |
काठमाडौं – त्रिभुवन विमानस्थल अध्यागमन कार्यालयले कार्यालय समयमा विमानस्थलमा खटिएका कर्मचारीलाई मोबाइल चलाउन रोक लागेको छ । कार्यालयले हालै एक सूचना निकाल्दै यस्तो जानकारी गराएको हो ।
अराइभल कक्ष र डिपार्चर कक्षमा खटिएका कर्मचारीले कार्यालय समयमा ल्यान्डलाइन र अफिसियल मोबाइल मात्र प्रयोग गरी अध्यागमनको काम गर्न कार्यालयले निर्देशन दिएको छ ।
अत्यावश्यक काम परेको अवस्थामा भने वरिष्ठ अध्यागमन अधिकृतको जानकारीमा ल्याई स्वीकृति भएपछि मात्र प्रयोग गर्न पाइने सूचनामा उल्लेख गरिएको छ । कर्मचारीले सम्पूर्ण व्यक्तिगत मोबाइल आफ्नो लकरमा राख्नु पर्ने भएको छ ।
प्रशासनले कर्मचारीलाई अफिसियल सिम र मोबाइलको व्यवस्था मिलाउने र अध्यागमन डेस्क अफिसरबाहेकका कर्मचारीले भने अध्यागमनको काम कारवाहीलाई नियमन गर्न व्यक्तिगत तथा सरकारी फोन प्रयोग गर्न सक्ने गरि निर्णय भएको समेत कार्यालयले जानकारी गराएको छ ।
