स्थानीय निर्वाचनको मिति घोषणा गर : गाेकर्ण विष्ट

‘निर्वाचन आयोगले आगामी वैशाख महिनाभित्रै सम्पन्न गर्नेगरी निर्वाचनको मिति घोषणा गर्न पटकपटक सरकारको ध्यान आकृष्ट गरिरहेकै बेला सत्ता गठबन्धन भने लोकतान्त्रिक अभ्यासको बर्खिलापमा चुनाव टार्ने प्रपञ्च गरिरहेको छ’, एमाले सचिव विष्टले शुक्रबार बिहान सामाजिक सञ्जालमा लेखेका छन्, ‘आगामी स्थानीय तहको निर्वाचनमा प्राप्त हुन सक्ने परिणामबाट तर्सिएर चुनाव नै सार्न जालझेल रच्ने पार्टीहरूबाट संविधान, लोकतन्त्र र जनादेशको संरक्षण हुन सक्दैन।’

उनले सत्ता गठबन्धनका दललाई लोकतान्त्रिक अभ्यासबाट नभाग्न भन्दै संविधानबमोजिम अविलम्ब स्थानीय तहको निर्वाचनको मिति घोषणा गर्न आग्रह पनि गरेका छन्।