आईसीसी टी–२० टिममा पाकिस्तानका तीन खलाडी, भारतीय परेनन्
कागजपत्र |
काठमाडौँ – पाकिस्तानी क्रिकेट टोलीले गत वर्ष भएको टी–२० विश्वकपको उपाधि त जित्न सकेन तर पाकिस्तानी खेलाडीले समग्र वर्षमा गरेको प्रदर्शनको भने विश्वभर तारिफ भएको थियो।
अन्तर्राष्ट्रिय क्रिकेट परिषद् (आईसीसी)ले गत वर्षको प्रदर्शनको आधारमा ११ सदस्यीय टोली सार्वजनिक गरेको छ। जसमा तीन पाकिस्तानी खेलाडी परेका छन्।
उक्त टोलीको कप्तानमा पनि पाकिस्तानका कप्तान बाबर आजम छानिएका छन्। आजमले गत वर्ष २९ टी–२० अन्तर्राष्ट्रिय खेलमा एक शतक र ९ अर्धशतक प्रहार गरेका थिए। समग्रमा उनले ९३९ रन बनाएका थिए।
त्यस्तै पाकिस्तानका विकेटकिपर ब्याट्सम्यान मोहम्मद रिजवान र साहिन अफ्रिदी पनि उक्त टोलीमा अटाएका छन्।
त्यस्तै यो टोलीमा इंगल्याण्डका जोस बटलर, दक्षिण अफ्रिकाका एडन मार्करम, ताब्राइज साम्सी र डेभिड मिलर, अष्ट्रेलियाका मिचेल मार्स जोस हजलवुड, श्रीलंकाका वानिन्दु हसरंगा, बंगलादेशका मुस्फिकर रहिम पनि यो टोलीमा अटाएका छन्।
