ट्रयाक्टर दुर्घटना : एक जनाको मृत्यु, २ घाइते
कागजपत्र |
काठमाडौँ – ताप्लेजुङको मेरिङदेन गाउँपालिका–३ दोभानमा ट्रयाक्टर पल्टिँदा एक जनाको मृत्यु भएको छ। दुर्घटनामा अन्य दुई जना घाइते भएका छन्।
दुर्घटनामा मेरिङदेन गाउँपालिका–१ थिङलाबुका ४५ वर्षीय निमा शेर्पाको मृत्यु भएको जिल्ला ट्राफिक प्रहरी कार्यालय ताप्लेजुङले जनाएको छ।
मिक्वाखोला गाउँपालिकाको साँवा भन्ने ठाउँबाट दोभानतर्फ आउँदै गरेको मे १ त ७४६१ नम्बरको ट्रयाक्टर दुर्घटनामा परेको हो।
दुर्घटनामा १८ वर्षीय नाल्बुका सञ्जीव लिम्बू गम्भीर घाइते भएका छन्। उनलाई थप उपचारका लागि जिल्ला बाहिर रेफर गरिएको छ।
