बुटवलको डान्स क्लबमा लागेको आगो नियन्त्रणमा आएन
कागजपत्र |
रुपन्देही – शनिबार शुभारम्भ गर्न लागिएको बुटवलको प्लान बी डान्स क्लबमा लागेको आगो अझै नियन्त्रणमा आएको छैन ।
बुटवलस्थित सिद्धार्थ कटेजको साइडमा संचालन तयारीमा रहेको प्लान बी डान्स क्लबमा आज मध्यान्हतिर आगो लागेको थियो ।
प्रहरी, सेनाले आगो नियन्त्रण गर्ने प्रयास भैरहेको इलाका प्रहरी कार्यालय बुटवलका प्रहरी प्रमुख ठगबहादुर केसीले जानकारी दिए ।
आगलागी नियन्त्रणका लागि बुटवल उपमहानगरपालिका, तिलोत्तमा नगरपालिका, देवदह नगरपालिका, सैनामैना नगरपालिका, सिद्धार्थनगर नगरपालिका र लुम्बिनी सांस्कृतिक नगरपालिकाको दमकलसहितको टोली खटिएको छ ।
