भारतमा २४ घण्टामा दुई लाख ६४ हजार कोरोना संक्रमित थपिए

दिल्ली – भारतमा कोरोना संक्रमणदर दिनहुँ तीव्र गतिमा बढिरहेको छ । यहाँ पछिल्लो २४ घण्टामा दुई लाख ६४ हजार संक्रमित थपिएका छन् । यो अघिल्लो दिनको तुलनामा ६ दशमलव ७ प्रतिशतले बढी हो ।

कोरोनाको नयाँ भेरियन्ट ओमिक्रोन फैलिएसँगै संक्रमितको सङ्ख्या तीव्र बढेको हो । भारतमा कूल सङ्क्रमितमध्ये ३ दशमलव ४८ प्रतिशत सक्रिय संक्रमित छन् ।

त्यस्तै, पछिल्लो २४ घण्टामा कोभिडबाट ३१५ जनाको मृत्यु भएको छ । कोभिडबाट केरला, महाराष्ट्र र नयाँ दिल्ली सबैभन्दा बढी प्रभावित छन् ।