राष्ट्रपति भण्डारीद्वारा पृथ्वीनारायण शाहको शालिकमा माल्यार्पण
कागजपत्र |
काठमाडौं – राष्ट्रपति विद्यादेवी भण्डारीले पृथ्वीनारायण शाहको शालिकमा माल्यार्पण गरेकी छिन् । ३०० औं पृथ्वी जयन्ती एवं एकता दिवसको अवसरमा सिंहदरबारको मूलगेट अगाडिको शालिकमा राष्ट्रपति भण्डारीले माल्यार्पण गरेकी हुन् ।
पृथ्वी जयन्तीका अवसरमा देशभर विभिन्न कार्यक्रम आयोजना गरिएको छ । पृथ्वी जयन्तीका असरमा काठमाडौंको सिंहदरबारको मूलगेट अगाडि रहेको पृथ्वीनारायण शाहको शालिक नजिक विशेष कार्यक्रमको आयोजना गरिएको छ । यसअघि संस्कृति तथा पर्यटन मन्त्री प्रेम आलेले पनि पृथ्वीनारायण शाहको शालिकमा माल्यार्पण गरेका थिए ।
उक्त स्थानमा नेपाली सेनाले विशेष सम्मान गर्ने कार्यक्रम चलिरहेको छ भने पूर्वराजा ज्ञानेन्द्र शाह पनि माल्यार्पणका लागि सहभागी हुने जनाइएको छ ।
राष्ट्रपति फर्किएपछि उक्त अवसरमा विभिन्न राजनीतिक दलका नेताहरुले माल्यार्पण गरेका थिए ।
