कांग्रेस महाधिवेशनः प्रदेश १ सभापतिमा घिमिरेलाई २ मतले पछि पार्दै थापा विजयी


काठमाडौं — नेपाली कांग्रेस प्रदेश १ को सभापतिमा उद्धव थापा निर्वाचित भएका छन् । देउवा–सिटौला पक्षबाट उम्मेदवारी दिएका थापाले पौडेल समूहका गुरुराज घिमिरेलाई २ मतले पराजित गर्दै सभापतिमा निर्वाचित भएका हुन् ।

उनले ८४४ मत ल्याएका छन्। उनले निकटतम प्रतिद्वन्द्वी पौडेल समूहका गुरु घिमिरेलाई २ मतान्तरले पराजित गरेका हुन्।

१७५२ मत खसेकोमा संस्थापन इतर पक्षका घिमिरेले ८४२ मत पाएका छन्। प्रदेश १ मा कांग्रेस सभापतिका लागि शनिबार मतदान भएको थियो ।

त्यस्तै उपसभापतिमा टंकनाथ राई र उमेशजंग रायमाझी विजयी भएका छन् भने महामन्त्रीमा भूपेन्द्र राई र उमेश थापाले जित हात पारेका छन् ।

त्यस्तै महिला सहमहामन्त्रीमा प्रमिला गच्छदार र खुल्ला सहमहामन्त्रीमा खड्ग फागो र विनोदकुमार बस्नेत निर्वाचित भएका छन् ।

 

 

प्रतिक्रिया