प्रतितोला ४०० रुपैँयाले बढ्यो सुनको भाउ

काठमाडौँ – नेपालको सुनचाँदी बजारमा आज छापावाल सुनको भाउ प्रतितोला ४०० रुपैँयाले महंगो भएको छ । मंगलबार प्रतितोला रु ९२ हजार ३०० मा कारोबार भएको सुनको भाउ ४०० रुपैँयाले बढेसँगै सुनको बिक्रि भाउ ९२ हजार ७०० कायम भएको छ ।

नेपाल सुनचाँदी व्यवसायी महासङ्घले सार्वजनिक गरेको तथ्याङ्कअनुसार आज तेजाबी सुनको मूल्य प्रतितोला रु ९२ हजार २०० रहने छ जसको मूल्य मङ्गलबार रु ९१ हजार ८०० तोकिएको थियो ।

त्यस्तै आज चाँदीको मूल्य अघिल्लो कारोबार मूल्यका तुलनामा स्थिर छ । चाँदी मङ्गलबार प्रतितोला रु एक हजार २५० मा कारोबार भएको थियो ।