मुख्यमन्त्रीको सपथ नलिँदै विवादमा तानिए राजेन्द्र राई, होटलमा बियर पार्टी (भिडिओ)

  कागजपत्र    | १६ कार्तिक २०७८, मंगलवार ०९:३७

काठमाडौं – आज दिउँसो प्रदेश १ को मुख्यमन्त्रीको सपथ लिने तयारीमा रहेका नेकपा एकीकृत समाजवादीका नेता राजेन्द्र राई विवादमा तानिएका छन्। मुख्यमन्त्री पक्का गरेपछि आइतबार राति बियरसहितको पार्टी दिएपछि राई विवादमा तानिएका हुन्।

सुनसरीको इटहरीस्थित एक होटेलमा नेता राईले केक काट्दै वियरसहितको पार्टी दिएको भिडिओ सार्वजनिक भएपछि यतिबेला समाजिक सञ्जालमा पार्टी अध्यक्ष माधवकुमार नेपालको समेत चर्को आलोचना भइरहेको छ।

अध्यक्ष नेपालले भने पार्टीका नेता कार्यकर्तालाई साँझ परेपछि होटलमा नजाने र मदिरा नपिउन उर्दी जारी गरेका थिए। तर, नेपालले जारी गरेको उर्दीलाई वेवास्ता गर्दै राईले बियरसहितको पार्टी दिएका हुन्।

राईले भावी मुख्यमन्त्रीका रूपमा केक काटेर खुसी साँट्ने क्रममा त्यहाँ उनले केक काटेर बियर पनि उडाएका छन्। उनले केक काट्दै गरेको भिडियो २ मिनेट २० सेकेण्डको छ।

नेकपा एकीकृत समाजवादीका केन्द्रीय सचिवसमेत रहेका राईले मुख्यमन्त्रीको सपथ नलिँदै ‘स्यम्पियन’ फोडेर खुसीयाली मनाएको भिडिओमा देख्न सकिन्छ। तर उक्त भिडियो केही समयमै डिलिट गरिएको छ।

पाँच दलीय गठबन्धन नेपाली काँग्रेस, माओवादी, नेकपा एकीकृत समाजवादी र जनता समाजवादी सहितका ४९ सांसदको समर्थनमा मुख्यमन्त्री पक्का गरेपछि राईले पार्टी दिएको स्रोतले जनायो।

प्रदेश १ का मुख्यमन्त्री भीम आचार्यले आइतबार नै राजीनामा दिएका छन्। आचार्यको राजीनामा सँगै विपक्षी गठबन्धनको तर्फबाट प्रस्तावित मुख्यमन्त्री राजेन्द्र राईले दाबी पेस गरेका हुन्।

 प्राप्त भिडियोमा यो विषयमा सार्वजनिक नगर्नु भन्न सम्म भ्याएका छन्।



Previous Post:  

Next Post:  



प्रतिक्रिया