बन्दी प्रत्यक्षीकरणको मुद्दा हेर्ने न्यायाधीशहरुको निर्णय
कागजपत्र |
काठमाडौं – सर्वोच्च अदालतका न्यायाधीशहरूले बन्दी प्रत्यक्षीकरणको मुद्दा हेर्ने निर्णय गरेका छन् ।
न्यायालय सुधारको माग गर्दै ८ दिनदेखि बेन्च बहिष्कार गरिरहेका न्यायाधीशहरूले सोमबार बन्दी प्रत्यक्षीकरणको मुद्दा हेर्ने निर्णय गरेका हुन् । सोमबार बिहान साढे ११ बजेदेखि बसेको न्यायाधीशहरुको बैठकले सो निर्णय गरेको हो ।
आफुहरुको माग बमोजिम नै इजलास गठन भएको र बन्दी प्रत्यक्षीकरणको मुद्दा मात्रै पेसीमा राखिएका कारण उक्त मुद्दाको सुनुवाई गर्ने निर्णय भएको बैठकमा सहभागी एक न्यायाधीशले बताए । न्यायाधीशहरुको यो निर्णय लगत्तै इजलास सुरु भएको छ ।
