विराटनगर विमानस्थल सफाइ सुरू‚ भोलीदेखि सञ्चालनमा आउने

विराटनगर – केही दिनदेखि परेको अविरल वर्षाकाकारण आएको बाढी विमानस्थलमा पसेपछि उडान अवरुद्ध भएको विराटनगर विमानस्थल संचालनका लागि सपाइ सुरु भएको छ ।

बाढी पसेर अवरूद्ध भएको विराटनगर विमानस्थल भोली (शनिबार)देखि सञ्चालन हुने तयारी भइरहेको छ।

बुधबारदेखि डुबान रहेको विमानस्थल शुक्रबार सरसफाइ सकेर शनिबार बिहानसम्म सञ्चालनमा ल्याउने तयारी रहेको विराटनगर विमानस्थल प्रमुख उत्सव खरेलले जानकारी दिए।

‘पानी घटिसकेकाले टर्मिनल भवन सरसफाइ भइरहेको छ‚’ उनले भने, ‘त्यस्तो कुनै समस्या आएन भने भोलि (शनिबार) बिहानसम्म नियमित उडान भर्ने तयारी गरेका छौँ।’

विमानस्थल मंगलवार दिउँसो ४ बजेपछि उडान र अवतरण बन्द भएको थियो।