सुदूरपश्चिम सरकारले बाढीपहिरो प्रभावितलाई तत्काल उद्दार र राहतका लागि २५ करोड दिने
कागजपत्र |
धनगढी – सुदूरपश्चिम प्रदेश सरकारले बाढी र पहिरो प्रभावितलाई तत्काल उद्दार, राहत र परिचालनका लागि बजेट दिने निर्णय गरेको छ।
हिजो (मंगलबार) साँझ मुख्यमन्त्री त्रिलोचन भट्टले बोलाएको आकस्मिक बैठकबाट दुइटा निर्णय भएको प्रदेश सरकारका प्रवक्ता तथा आन्तरिक मामिला तथा कानुन मन्त्री पूर्णा जोशीले बताइन्।
उनले प्रदेश सरकारको प्रदेश विपद् व्यवस्थापन कोषमा २५ करोड रुपैयाँ उपलब्ध गराउने निर्णय भएको जानकारी दिइन्।
यस्तै ९ वटै जिल्लालाई तत्कालका लागि २५ लाखका दरले बजेट दिने निर्णय भएको बताइन्।
जसबाट प्रत्येक जिल्लामा प्रहरी र सशस्त्र प्रहरीलाई ५र५ लाख रुपैयाँ र नौ वटै जिल्ला प्रशासनलाई १५र१५ लाख रुपैयाँ रकम दिइने निर्णय भएको उनले बताइन्।
‘अहिले तत्कालका लागि खोजी उद्दार र परिचालनमा यो बजेट खर्च हुनेछ, आवश्यक परे प्रदेश सरकारले थप बजेट दिनेछ,’ उनले भनिन्।
