प्रधानमन्त्री देउवाद्वारा निर्माणाधीन पोखरा विमानस्थलको निरीक्षण
कागजपत्र |
काठमाडौँ – प्रधानमन्त्री शेरबहादुर देउवाले निर्माणाधीन पोखरा क्षेत्रीय अन्तर्राष्ट्रिय विमानस्थलको निरीक्षण गरेका छन् ।
आज (सोमबार) कास्की आइपुगेका प्रधानमन्त्री देउवाले सोमबार बिहान विमानस्थलको निरीक्षण गरेका हुन् ।
आज बिहान १० बजे पोखरा पुगेका देउवाले बिहानसम्म कार्यकर्ता भेटघाटमा व्यस्त थिए । कार्यकर्ता भेटघाटपछि विमानस्थलको निरीक्षण गरेका हुन् ।
प्रधानमन्त्री देउवाले निर्माणाधीन विमानस्थलको समस्या समाधान गर्ने पनि बताएका छन् । अन्तर्राष्ट्रिय उडानका लागि अवरोधको रूपमा रहेको रिठ्ठेपानी डाँडा कटानका लागि सहजीकरण गर्ने र विमानस्थलको उत्तरपट्टीको बाढी तथा पूर्वपट्टीको कटान नियन्त्रणमा संघ सरकारले बजेट छुट्याउने उनले बताए।
प्रधानमन्त्री देउवा पोखरामा निर्धारित कार्यक्रम सकेर आजै काठमाडौँ फर्किने कार्यतालिका रहेको छ ।
