प्रतिनिधिसभामा एमालेको अवरोधका बीच वार्षिक प्रतिवेदन पेश, अर्को बैठक असोज २२ मा

काठमाडौं – प्रतिनिधिसभाको बैठकमा प्रमुख प्रतिपक्षी दल नेकपा एमालेले अवरोध कायमै राखेको छ । प्रतिनिधि सभाको बैठकको सुरुवातमै नेकपा एमालेका सांसदहरुले अवरोध र नाराबाजी गरेका थिए ।

एमालेको अवरोधका बीच प्रधानमन्त्री शेरबहादुर देउवाको तर्फबाट कानुनमन्त्री ज्ञानेन्द्रबहादुर काकीले मंगलबार राष्ट्रिय दलित आयोगको वार्षिक प्रतिवेदन पेश गरेका छन् ।

प्रतिनिधिसभाको अर्को बैठक असोज २२ गते शुक्रबार दिनको १ बजे बस्ने सभामुख अग्निप्रसाद सापकोटाले जानकारी दिए। एमालेले भदौ २३ गतेदेखि सभामुखको भूमिकालाई लिएर निरन्तर संसद अवरोध गर्दै आएको छ।