सार्कका परराष्ट्र मन्त्रीस्तरी वार्ता रद्द
कागजपत्र |
काठमाडौं – संयुक्त राष्ट्रसङ्घको महासभा बैठकको क्रममा यो वर्ष दक्षिण एसियाली सहयोग सङ्गठन (सार्क) का परराष्ट्रमन्त्रीहरुको साइडलाइन वार्ता नहुने भएको छ ।
वार्तामा अफगानिस्तानको प्रतिनिधित्वको विषयमा सदस्य मुलुकहरुबीच कुरा नमिल्दा बैठक नहुने भएको हो । सेप्टेम्बर २५ मा वार्ताको मिति तय भए पनि अहिलेलाई रुद्ध गरिएको आयोजक मुलुक नेपालले अन्य मुलुकलाई जानकारी गराएको छ ।
काठमाडौँस्थित सार्क सचिवालयले सबै मुलुकलाई बैठक रुद्ध गरिएको जानकारी गराइसकेको स्रोतले बतायो । हरेक वर्ष हुने सो बैठकमा सार्कमा विद्यमान चुनौती र सहकार्यमा केन्द्रित हुने गरेको थियो ।
यस अगाडि भारत र पाकिस्तानको तनावको कारण कमजोर बनेको सार्कमा अब अफगानिस्तानको समस्या पनि थपिएको छ ।
