सांसद सुवालकाे प्रश्न- अर्थमन्त्रीको फोनले शेयर बजार बढ्छ ?
कागजपत्र |
काठमाडौं – नेपाल मजदुर किसान पार्टीका सांसद प्रेम सुवालले शेयर बजार घट-बढको विषयलाई दिएर अर्थमन्त्रीमाथि प्रश्न गरेका छन् ।
शुक्रबार एमालेको अवरोधका बीच प्रतिनिधिसभा बैठकमा बोल्दै सांसद सुवालले शेयर बजार घटेपछि अर्थमन्त्री जनार्दन शर्माले राष्ट्र बैंकका गभर्नर महाप्रसाद अधिकारीलाई टेलिफोन गरेको भन्दै प्रश्न उठाएका हुन् ।
केही सीमित मान्छेहरुले लाभ लिने शेयर बजारको विषयमा अर्थमन्त्रीले किन यति धेरै चासो लिएको भनेर उनले जवाफ मागेका छन् । ‘शेयर बजारमा ३७ लाख लगानीकर्ता छन्, एक सय जनाले मात्रै लाभ लिन्छन् भनेर अर्थमन्त्रीज्यूले नै भन्नु भएको थियो,’ उनले भने, ‘त्यसपछि बजार घट्यो, अर्थमन्त्रीले गभर्नरलाई फोन गरेपछि बढ्यो, के बढाउने जिम्मा अर्थमन्त्रीको हो ? अर्थमन्त्रीको फोनले सियर बजार बढ्छ ?’
सुवालले उठाएको प्रश्नको जवाफ दिँदै अर्थमन्त्री शर्माले बजार घटाउने वा बढाउने विषयमा आफ्नो भूमिका नरहेको बताए ।
