विभिन्न घटनामा मृत्यु भएका ४ जनाकाे शव फेला
कागजपत्र |
कपिलवस्तु – बिजयनगर गाउँपालिका-६ बगाहा बस्ने ७२ वर्षीया माया कुमारी बस्याल आफ्नै घरदेखि करिब १ सय मिटर टाढा बाटोमा बिहीबार मृत अवस्थामा फेला परेकी छन् ।
पोखरीमा डुबेर मृत्यु
सप्तरी – शम्भुनाथ नगरपालिका-३ बस्ने २५ वर्षीय कृष्ण मण्डलको सोही ठाउँ कचन्दाहा टोलस्थित पोखरीमा डुबेर बिहीबार साँझ मृत्यु भएको छ ।
लडेर २ जनाको मृत्यु
नवलपरासी(पूर्व), बौधिकाली गाउँपालिका-४ बाराबिन्दिस्थित गोरेटो बाटोमा पहिरोबाट चिप्लिएर करिब १५ मिटर तल खसेर ढुङ्गामा पर्दा देवचुली नगरपालिका-४ झाक्रे बस्ने बौधिकाली गाउँपालिका-३ घर भएका ४० वर्षीय प्रेम बहादुरक बिकको बिहीबार दिउँसो मृत्यु भएको छ ।
झापा, मेचीनगर नगरपालिका-१२ सरेडाँगी बस्ने ३६ वर्षीय दिलिप चेम्जोङ आफ्नो घरको एक तल्लाको रेलिङबाट लडेर बिहीबार साँझ मृत्यु भएको छ । लडेर गम्भीर घाइते भएका उनको मनकामना हस्पिटल चारआली हुँदै थप उपचारको लागि बिएण्डसी अस्पतालतर्फ लैजाने क्रममा मृत्यु भएको हो । यस सम्बन्धमा प्रहरीले आवश्यक अनुसन्धान गरिरहेको छ ।
