सेयर बजारमा कम्पः १ सय ६१ अंकले बढ्यो नेप्से, करिब १० अर्बकाे काराेबार

काठमाडाैं – साताको पहिलो कारोबार दिन १०८ अंकले ओरालो लागेको सेयरबजार सोमबार भने १६१.९४ अंकले बढेको छ। यसले दुई दिनयता सेयर बजारमा ठूलो उथलपुथल देखिएको हाे।

नेपाल स्टक एक्सचेन्जका अनुसार नेप्से उक्त अंकले बढेर २९८०.७८ विन्दुमा फर्किएको छ। त्यस्तै सेन्सिटिभ सूचक पनि ३१.४१ अंकले बढेर बन्द भएको छ।

आजको कारोबारमा २२४ कम्पनी सामेल भएका छन्। बजार परिसूचक उच्च अंकले बढे पनि कारोबार रकम भने ९ अर्ब ८२ करोड मात्रै छ। दिनभरिमा १ लाख ९ हजार पटकमात्रै कारोबार भएको नेप्सेले जनाएको छ।

आज सबै उपसूचकहरु हरियो छन्। आज तीन दर्जन बढी कम्पनीको सेयरमा सकारात्मक सर्किट लागेको नेप्सेले जनाएको छ। आज कम्पनीहरुको सेयरमा नगन्य गिरावट आएको छ। कम्पनीहरुको आज अधिकतम ४६ करोडसम्मको सेयर किनबेच भएको छ।