कक्षा १२ को परीक्षा भौतिक उपस्थितिमै गराउन सरकारलाई निर्देशन

काठमाडौँ – संसदको शिक्षा तथा स्वास्थ्य समितिले भौतिक उपस्थितिमै कक्षा १२ को परीक्षा लिन सरकालाई निर्देशन दिएको छ ।

मंगलबार संसदको शिक्षा तथा स्वास्थ्य समितिको बैठकमा शिक्षा मन्त्रालयका पदाधिकारीसँगको छलफलपछि समिति सभापति जयपुरी घर्तीले कोभिड खोप दिएर भौतिक उपस्थितिमा परीक्षा संचालन गर्न निर्देशन दिएकी हुन् ।

कोरोना संक्रमण जोखिमका कारण साउन ३१ देखि हुन थय भएको परिक्षा स्थगित भएको थियो । स्थगित भएको कक्षा १२ को परीक्षा भौतिक उपस्थितमै लिने तयारी भएको शिक्षा मन्त्रालयले बताएको छ ।

शिक्षा मन्त्रालयका सचिव रामप्रसाद थपलियाले स्वास्थ्य मन्त्रालयसँग छलफल गरेर दशैँअघि भौतिक उपस्थितिमै परीक्षा लिने तयारी भइरहेको जानकारी दिए ।

यस पटक कक्षा १२ को परिक्षाका लागि तीन लाख ८६ हजार विद्यार्थीले परीक्षा फाराम भरेका छन् ।