पछिल्लो २४ घण्टामा ३०४२ जनामा संक्रमण पुष्टि, २६ जनाको मृत्यु
कागजपत्र |
काठमाडौं – नेपालमा पछिल्लो २४ घण्टामा थप ३ हजार ४२ जना कोरोना संक्रमित थपिएका छन् । स्वास्थ्य मन्त्रालयका अनुसार पछिल्लो २४ घण्टामा पीसीआर र एन्टीजेन विधिबाट १७ हजार ६ सय ५४ जनाको कोरोना परिक्षण गरिएको छ ।
ती मध्ये १० हजार ५३० को पीसीआर विधि र ७ हजार १ सय २४ जनाको एन्टीजेन विधिबाट कोरोना परिक्षण गरिएको हो ।
स्वास्थ्य मन्त्रालयका अनुसार पछिल्लो २४ घण्टामा २२ सय ४४ जना कोरोनामुक्त भएका छन् भने २६ जनाले ज्यान गुमाएका छन् । यससँगै हालसम्म नेपालमा ६ लाख ९३ हजार ५४३ जनाले कोरोनाविरुद्ध जित हात पारेका छन् भने १० हजार ४ सय ५५ जनाको मृत्यु भइसकेको छ ।
