सहसचिव सरुवा गर्दै अर्थमन्त्री, बजेटमा बराल र भन्सारमा सापकोटा

काठमाडौं – अर्थमन्त्री जनार्दन शर्माले मन्त्रालयभित्रका सहसचिवको सरुवा तयारी गरेका छन् ।

अर्थमन्त्रालय स्रोतका अनुसार मन्त्री शर्माले यसै सातामा सहसचिवहरुको आन्तरिक सरुवा गर्ने तयारी गरेको स्रोतले जनाएको छ ।

स्रोतका अनुसार गण्डकी प्रदेशमा रहेका केदार शर्मालाई अर्थमन्त्रालयको प्रशासन विभागमा ल्याइने जनाइएको छ भने भूपाल बराललाई लगानीबोर्डबाट मन्त्रालयको बजेट महाशाखामा ल्याउने स्रोतले जनाएको छ ।

त्यस्तै नारायण सापकोटालाई अख्तियारबाट मन्त्रालयमा भन्सार विभागमा खटाउने तयारी भइरहेको स्रोतले जनाएको छ । त्यस्तै शोभाकान्त पौडेललाई भने आन्तरिक राजस्व विभागमा खटाइने जनाइएको छ ।