सिन्धुपाल्चाेकका बाढी प्रभावितको समस्यामा कांग्रेस नेता भण्डारीको सहयोग
१ लाख नगदसहित स्वास्थ सामाग्री हस्तान्तरण
कागजपत्र |
काठमाडौ – नेपाली कांग्रेसका महासमिति सदस्य हरिबोल भण्डारीले बाढी प्रभावित सिन्धुपाल्चोकका लागि १ लाख नगदसहित स्वास्थ सामाग्री सहयोग गरेका छन् । उनले उक्त स्वास्थ्य सामाग्री र नगद सिन्धुपाल्चोक कांग्रेसका जिल्ला सभापति विकास लामालाई हस्तान्तरण गरेका हुन् ।
कोरोना महामारीको संक्रमण दर फेरि बढिरहेका बेला उनले पीपीई सेट, ज्वरो परिक्षण गर्ने मेसिन, मास्क, ग्लोब्स,फेस सिल्डलगायतका स्वास्थ समाग्री सिन्धुपाल्चोक पठाएका छन् ।
त्यस्तै, असार १ गते आएको बाढीका कारण प्रभावितका लागि नगद एक लाख रूपैयाँ पनि भण्डारीले सहयोग गरेका छन् ।
उक्त स्वास्थ सामाग्री र आर्थिक सहयोग छिटै सम्बन्धित क्षेत्रमा पुर्याउने भन्दै कांग्रेस सभापति लामाले सहयोगका लागि भण्डारीलाई धन्यवाद व्यक्त गरेका छन् । भण्डारीले यसअघि पनि विभिन्न जिल्लामा स्वास्थ्य सामाग्री सहयोग गरेका थिए ।
