राजपरिवारको आराम कक्षमा राष्ट्रपति भण्डारीको अनौपचारिक प्रवेश…

काठमाडौं– राष्ट्रपति विद्यादेवी भण्डारीले नारायणहिटी संग्राहलयमा शुक्रबार साढे दुई घन्टा समय बिताएकी छन्।

अनौपचारिक भ्रमणका रुपमा उनी नारायणहिटी संग्राहलय पुगेकी हुन्। कोभिडका कारण बन्द रहेको उक्त संग्राहलयमा विभिन्न कक्ष र स्मारकको अवलोकन गरी भण्डारी फर्किएकी थिइन्।

नारायणहिटी राजदरबार रहँदा राजपरिवारको सुविधाका लागि बनाइएको आराम कक्षमा उनको प्रवेश भयो। ‘आराम कक्षका साथै राजपरिवारले फिल्म हेर्ने हलमा पनि उहाँले अवलोकन गर्नुभयो’, नारायणहिटी संग्राहलयका अधिकारीहरुले भने,‘अनौपचारिक रुपमा उहाँको भ्रमण भएको थियो।’

भण्डारीले गणतन्त्रको प्रतीक स्मारकको अवलोकन गरिन् भने कतिपय पुननिर्माण गरिरहेका कामको पनि निरिक्षण गरेकी थिइन्।