खोप किन्न सरकार र एडीबीबीच १९ अर्ब ५८ करोड ऋण सम्झौता
कागजपत्र |
काठमाडौं – कोभिड १९ विरुद्धको खोप किन्न सरकारले एसियाली विकास बैंकबाट १९ अर्ब ५८ करोड रुपैयाँ ऋण लिएको छ ।
नेपाल सरकार र एशियाली विकास बैंक (एडीबी) बीच १९ अर्ब ५८ करोड रुपैंया बराबरको सहुलियतपूर्ण ऋण सम्झौतामा बुधबार सम्झौता भएको हो ।
यो सहुलियत ऋण सहायताले १ करोड ५९ लाख डोज कोभिड विरुद्धको खोप खरिद गरी नेपाल सरकारको राष्ट्रिय खोप योजनालाई सहयोग पुग्ने मन्त्रालयको भनाई छ । यसबाट ६८ लाख जनसंख्या लाभान्वित हुनेछन् ।
बुधवार अर्थमन्त्रालयमा आयोजित समारोहमा नेपाल सरकारको तर्फबाट अर्थ सचिव मधुकुमार मरासिनी र एशियाली विकास बैंकका कन्ट्री डाइरेक्टर आनो कुस्वाले सम्झौतापत्रमा हस्ताक्षर गरेका हुन् ।
