एमालेले बनायो ९ विभाग, स्कुल विभाग अध्यक्ष ओलीसँगै, नेपाल पक्षलाई समेटिएन
कागजपत्र |
काठमाडौं – नेकपा एमालेले पार्टीको केन्द्रीय निकाय तथा विभिन्न विभागको जिम्मेवारी तोकेको छ । आज बसेको स्थायी समिति बैठकले विभिन्न विभागमा नेताहरुको जिम्मेवारी तोकेको हो ।
जसमा पार्टी स्कुल विभाग प्रमुख अध्यक्ष केपी शर्मा ओली छन् भने विदेश विभाग प्रमुख राजन भट्टराई र आर्थिक विभागमा विष्णु रिमाल छन् । विभागमा माधव नेपाल समूहलाई भने समेटिएको छैन । पार्टी एकताको माहोल बनेको खण्डमा अन्य विभागमा नेपाल समूहलाई समेट्न सकिने प्रवत्ता प्रदिप ज्ञवालीले बताए ।
एमालेले गठन गरेको विभागमा संगठन विभाग, संसदीय विभाग, आर्थिक विभाग, प्रचार विभाग, पर्यटन प्रबद्र्धन विभाग,स्कुल विभाग, विदेश विभागलगायतका छन् । यस्तै २२ गते विधानबारे नेताहरुले अनौपचारिक छलफल गर्ने उनले बताए । २४ गते बस्ने केन्द्रीय कमिटीमा विधान संशोधन प्रस्ताव पेश गरेर जिल्ला कमिटीमा पठाइने ज्ञवालीले बताए ।
वैठकले पार्टीलाई नयाँ गतिका साथ सशक्त ढंगले अघि बढाउने निर्णय गरेको छ । बैठकले पार्टीलाई नयाँ गतिका साथ अघि बढाउन वडा तहदेखि नै अधिवेशन गर्ने निर्णय गरेको प्रचार विभाग प्रमुख प्रदीप कुमार ज्ञवालीले बैठकपछि जानकारी दिए ।
